محادثه بين عجوز وفتاه مراهقه

محادثة بين عجوز مسن وفتاة مراهقة حول موضوع المسنجر !
اليكم هذه المحادثة التي اوافيكم بها , والتي تمت بين فتاة مراهقة وجدها العجوز المسن , بها تحاول الفتاة التحدث معه عن المسنجر والانترنت.. شو صار بالاخر .. خليكو معنا.. العجوز على فكرة لا يعرف ما هو الانترنت ولا المسنجر ولا شيء. ولم يجلس امام شاشة حاسوب ولو مرة واحدة...

الفتاة : هاي سيدو ...



العجوز : نعم؟



الفتاة : كول قصدي مرحبا سيدو...



العجوز : اهلان يا سيدي... اقعدي..



الفتاة : لا سيدو مستعجلة .. صاحبتي بتستنا بدي احكي معها ع المسنجر..



العجوز : المزنجر؟



الفتاة : المسنجر سيدو ههههه



العجوز : شو هاذا المانسجير..



الفتاة : سيدو اسمه مسنجر .. يعني انترنت..



العجوز : عنتر نت ؟؟ اه من عيلة نت؟؟ مش سامع فيها..



الفتاة : سيدو اسمه انترنت انترنت .. يعني كمبيوتر...



العجوز : قمبوطر ولا قمبوطة؟



الفتاة : اقولك سيدو اسمه حاسوب.....



العجوز : يحك راسه.. ويقول حاسوه ؟؟؟؟؟



الفتاة : مبين يا سيدو انت بتعرفش اشي عن عصر الانترنت؟



العجوز : لا حول ولا قوة الا بالله هومي عصروا عنتر نت؟...



الفتاة : سيدو خلص مش قادرة اشرحلك.. اوف..



العجوز : شو يا سيدي.. ماليك؟ بتنفخي..



الفتاة : تعال معي عدارنا وبفرجيك شو يعني انترنت ..



العجوز : لا يا سيدي انا تعبان بقدرش اطلع كل هالدرجات..



الفتاة : اوكي سيدو... تشاو..



العجوز : ها؟ تشاو؟؟ شو تشاو هاي..



الفتاة : تشاو يعني مع السلامة..



العجوز : الله يسلمك.. وما تنسي تسلمي على ايش اسمو هاذ عنتر نت.. واعزميه عنا اذا بدك..



الفتاة : كول سيدو... اوف... باي...


منقول